Qabulhane (raatlıq künlerinden ğayrı) er kün saat 8:00-den başlap, saat 14:00-ğace çalışa.
Tibbiy mesleat almaq içün yazıluv telefoni: +380994452663
Merkezge muracaat etmek içün aşağıdaki vesiqalar lâzim:
- tar profilli ekimden mesleat almaq içün bala ekimi, ekim olaraq saylanğanı aqqında beyanname imzalağan aileviy ekim, ya da diger tar profilli ekimden elektronik yollanma;
- balanıñ doğuv aqqında şeadetnamesi ve anasınıñ ya da babasınıñ, ya da balanıñ qanuniy temsilcileriniñ pasportı;
- balanıñ inkişaf etüv tarihı, ya da ambulatoriya şaraitlerinde tedaviylenğen hastanıñ (112/o tarzdaki) tibbiy kartası.
Elektronik yollanması olmağan hasta bala ise bala ekimine, ginekolog ve psihiatr ekimlerine muracaat ete bile.
Poliklinikağa kelip çıqqan hasta ilk nevbette qabulhanege muracaat etmeli.
Qabulhaneniñ telefon nomerası +380663494126