Hastahaneniñ ayrı bir bölügi olğan poliklinika 1954 senesi hastalarğa hızmet etmege başladı. Faaliyetiniñ ilk künlerinde poliklinikada hastalarnı bala ekimi, revmatolog, ftiziatr, infektsion hastalıqları mütehassısı, tış ekimi qabul ete ediler.
Al-azırda bala konsultativ-diagnostik merkezi, vilâyette 18 yaşına yetmegen balalarğa mahsuslaştırılğan ve yüksek ihtisaslı tibbiy yardım bergen yekâne müessisedir. Mında 23 zenaat boyunca yüksek seviyede azırlıq körgen, zemaneviy tedaviylev-diagnostik ve reabilitatsion usullarnı menimsegen ekimler çalışa.
İmmunolog, bala allergologı, pulmonolog, onkolog, gematolog, urolog, nefrolog, bala miy cerrahı, bala endokrinologı ve surdolog kibi mütehassıslar Herson şeerinde ve atta bütün Herson vilâyetinde yekâne ve beñzersiz mütehassıslardır.
Merkezde faaliyet yürsetken bölükler:
- şiddetli yaraları olğan balalarğa yardım bergen mahsus merkez;
- eşitüv ve laf etüv bozuluvlarnı belgilev merkezi;
- şeker hastalığı merkezi;
- köz qorçalav odası;
- tibbiy-genetik mesleatlar odası;
- bala immunologiya ve allergologiya odası;
- siñir sisteması ve areket apparatı organik bozuluvları olğan balalar içün tibbiy-içtimaiy reabilitatsiya merkezi;
- hastalıqlarnen doğğan balalarnı üç yaşını toldurğance katamnestik nezaret etüv odası;
- kündüz hastahanesi.
Diagnostik imkânlarımız: alergologik tedqiqatlar, audiometriya (şu cümleden, ufaq balalarda ömürleriniñ ilk künlerinden başlap eşitme qabiliyetini teşkerüv), rentgenologik ve endoskopik teşkerüvler (fibrogastroduodenoskopiya, kolonoskopiya), organlarnı ultrases vastasınen teşkerüv, eho-kardiografiya, EKG, yürek-damar, siñir ve nefes aluv sistemalarını, vazifelerini becere bilüv ceetinden teşkerüv, avtorefraktometriya (bilgisayar yardımınen körüv organını teşkerüv), köz biomikroskopiyası, laboratoriyada yapılğan testler (umumiy klinik, biohimik, immunologik, bakteriologik ve gormonlarnıñ miqdarını belgilegen testler) ve saire.
Bundan ğayrı, fizioterapiya odaları, massaj, tedaviylegen beden terbiyesi ve mehanoterapiya odaları, manipulâtsiyalar odası ve aşılamalar odası faaliyetlerini yürsetmektedir.
Hastalarğa mesleatlar bermek içün hastahanedeki mütenasip bölüklerniñ müdirleri ve Herson vilâyeti devlet memuriyetindeki sağlıq saqlav Departamentiniñ baş mütehassıs-ekspertleri celp etile.
Merkezde balalar arasında hastalarnıñ ve saqatlarnıñ miqdarını azlaştırğan reabilitatsion ve ögüni aluv programmalarnıñ amelge keçirilüvinen zemaneviy ambulator teşkerüv ve tedaviylev usulları aenkli şekilde birleştirilmektedir.
Emşireler taqımı ekimlerniñ işançlı yardımcılarıdır: 18 emşireden 9 kişi aliy dereceli, 3 kişi bir dereceli, 6 kişi ise eki dereceli mütehassıslardır.
Merkezde er yıl 80 biñden ziyade bala yüksek keyfiyetli ambulator-poliklinik yardımnı ala, şiddetli şekilde yaralanğan balalarğa yardım bergen mahsus merkezde ise 9 biñden ziyade bala tedaviylene.
Ana-babalarınıñ raatlığı içün Merkezniñ 3-nci qatında analar ve balalar odası yerleştiridi.
Konsultativ-diagnostik merkeziniñ ekimleri:
- Marçenko Nataliya Mıronivna - Merkezniñ reberi, aliy dereceli bala ekimi, sağlıq saqlav saasında aliy dereceli teşkilâtçı ve idareci
- Turıtsâ Ella Anatoliyivna - aliy dereceli ekim-allergolog
- Godun Svitlana Volodımırivna - aliy dereceli ekim-allergolog
- Suvorova Tetâna Oleksandrivna - aliy dereceli bala ekimi
- Nikolayenko İnna Anatoliyivna - bir dereceli ekim-kardiorevmatolog
- Vargata Oksana İgorivna - qulaq boqaz burun ekimi
- Devâtko Anton Anatoliyovıç - bir dereceli qulaq boqaz burun ekimi
- Harlamova Nina Sergiyivna - aliy dereceli köz ekimi
- Prımaçenko Olena Georgiyivna - aliy dereceli büyrek ekimi
- Andriyets Olena Anatoliyivna - bala ginekologi
- Komarovskıy Sergiy Venedıktovıç - aliy dereceli ekim, cerrah-urolog
- Ovsiyçuk Taras Petrovıç - aliy dereceli ekim, cerrah-urolog
- Leontyev Yuriy Oleksiyovıç - aliy dereceli ekim, miy cerrahı
- Bogdanov Mıhaylo Yuriyovıç - aliy dereceli ekim, ortoped-travmatolog
- Zagaykan Mıkola Volodımırovıç - bir dereceli ekim, ortoped-travmatolog
- Strıjnöva Olena Leonidivna - aliy dereceli ekim-nevrolog
- İllâşenko Tetâna Mıkolayivna - aliy dereceli ekim-nevrolog
- Jdanova Tetâna Bulativna - eki dereceli ekim-nevrolog
- Onışçenko Svitlana Yevgenivna - aliy dereceli ekim-genetik
- Grabçuk Katerına Gennadiyivna.- aliy dereceli ekim-gastroenterolog
- Dolgova Olga Vasılivna - ekim-gastroenterolog
- Yakovenko Mariya Borısivna - aliy dereceli ekim-gematolog
- Lâşenko Sergiy Yuriyovıç - ekim-onkolog
- Sirık Nina Gennadiyivna - aliy dereceli ekim-endokrinolog
- Vasılenko Nataliya İvanivna - aliy dereceli ekim-immunolog
- Nazukina Katerına Sergiyivna - ekim-surdolog
- Omelçenko Olena Mıhaylivna - aliy dereceli ekim-psihiatr
- Podporinova Nina Mıhaylivna - aliy dereceli aqciger ekimi
- Ganiç Semen Borısovıç - ekim-dermatolog
- Oliynık Nataliya Viktorivna - logoped
- Rusına Ella Vâçeslavovna - ruhiyatçı
- Üyken emşire - Hıtrova Marına Leonidivna, tel. +380552439507.
Qabulhane (raatlıq künlerinden ğayrı) er kün saat 8:00-den başlap, saat 16:00-ğace çalışa.
Qabulğa («Ekimniñ qabulına yazılmaq» penceresine keçip) uzaqtan ve +380552263627 nomeralı telefon vastasınen yazıla bilesiñiz.
Merkezge muracaat etmek içün lâzim olğan vesiqalar:
- tar profilli ekimden mesleat almaq içün bala ekimi, ekim olaraq saylanğanı aqqında beyanname imzalağan aileviy ekim, ya da diger tar profilli ekimden elektronik yollanma;
- balanıñ doğuv aqqında şeadetnamesi ve anasınıñ ya da babasınıñ, ya da balanıñ qanuniy temsilcileriniñ pasportı;
- balanıñ inkişaf etüv tarihı, ya da ambulatoriya şaraitlerinde tedaviylenğen hastanıñ (112/o tarzdaki) tibbiy kartası.
Elektronik yollanması olmağan hasta bala ise bala ekimine, ginekolog ve psihiatr ekimlerine muracaat ete bile.
Poliklinikağa kelip çıqqan hasta ilk nevbette qabulhanege muracaat etmeli.
Konsultativ-diagnostik merkezde çalışqan mütehassıslarnıñ qabulına saifemizniñ üst sağ köşesindeki dögmege basıp, yazılmağa mümkün.
Merkez başçısınıň tel. +380552494023.
Registratsiya telefonı +380552263627.